ENTRAR ÁREA PRIVADA

NOTICIAS Y ACTUALIDAD

//: noticias / noticias

Noticias y actualidad relacionada con Citexvi y su entorno

As JAI 2020 contarán coa participación de máis de 30 multinacionais

A próxima edición das Jornadas sobre Tecnologías y Soluciones para la Automatización Industrial (JAI 2020) romperá os seus propios récords, pois tan só un par de semanas despois de abrirse o prazo de inscrición xa confirmaron a súa asistencia a este evento máis de 30 grandes multinacionais. A cita será na sede campus da Escola de Enxeñería Industrial do 19 ao 23 de outubro de 2020, un centro que durante unha semana se converterá nun auténtico escaparate da denominada Industria 4.0.


Enxeñaría Informática pon en marcha a iniciativa DojoESEI para complementar a formación do seu alumnado

A Escola Superior de Enxeñaría Informática do campus de Ourense pon en marcha o proxecto DojoESEI, que ten como obxectivo "servir de espazo para profundar en tecnoloxías, temáticas e ferramentas que completen a formación técnica do noso alumnado". A iniciativa, aberta ás persoas interesadas, materializarase nunha sesión semanal na que se desenvolverá unha charla ou taller sobre algún foco de interese tecnolóxico específico.


Catro visións sobre como enfrontar retos globais desde os gobernos locais

Abordar como as administracións locais tiveron que facer fronte a retos como a globalización ou a crise económica era o obxecto do seminario que este martes reuniu catro representantes de diferentes administracións municipais na Facultade de Ciencias Sociais e da Comunicación.


'En el agua de las fuentes', unha novela fraguada entre clase e clase do Programa Universitario de Maiores

"Alfonso Piñeiro, un policía da pequena comisaría de Ourense e recentemente ascendido a inspector xefe da devandita comisaría, ten que enfrontarse cos seus homes de confianza e a axuda de distintos personaxes a descubrir un asasino distinto a todo o que coñece na súa vida profesional". Con este argumento e protagonista presentouse este martes no campus de Ourense a novela En el agua de las fuentes, primeira obra de ficción de Ramón Fernández, alumno do Programa Universitario de Maiores.


A Universidade acada este curso un 98% de ocupación nas prazas de grao de novo ingreso 

"A verdade é que estamos mellor do que esperabamos". Nestes termos valora Manuel Reigosa que a Universidade de Vigo acadase este curso 2019-2020 un 98% de ocupación nas prazas de grao de novo ingreso.


A Facultade de Bioloxía inicia unha nova etapa con Mercedes Gallardo á fronte

"Feliz por todo o apoio recibido". Así se amosa a nova decana da Facultade de Bioloxía, a profesora Mercedes Gallardo, tras recibir o apoio do 80% das persoas que este luns asistiron á Xunta de Facultade do seu centro para participar nas votacións a decano.  


As rutas culturais pecharán 2019 cun percorrido pola Ribeira Sacra

O sábado 14 de decembro a programación de rutas culturais que organiza a Área de Benestar, Saúde e Deporte da Universidade de Vigo pechará a súa actividade deste ano coa celebración dunha ruta pola Ribeira Sacra máis próxima á cidade de Ourense e dun magosto. Na iniciativa participarán membros da comunidade universitaria e persoas allea a ela procedentes dos tres campus da institución académica.


Os retratos audiovisuais do alumnado levantan o pano de Novos Cinemas

Retratos audiovisuais que achegan ao espectador ao labor dun xastre e dun boxeador ou que reflexionan sobre a noite ou sobre a idea de fogar. Dez curtametraxes, realizadas por once alumnas e alumnos do campus estreáronse na tarde deste martes no Teatro Principal, no que foi o primeiro acto da cuarta edición do Festival Novos Cinemas.


A Universidade formará parte do futuro Clúster da Enxeñaría de Galicia

A Asociación Galega de Empresas de Enxeñaría, Consultoría e Servizos Tecnolóxicos, Ageinco, aglutina a máis de 20 empresas asociadas que actualmente están inmersas no proceso de creación do Clúster da Enxeñaría. De cara a implicar á Universidade de Vigo neste novo organismo, este martes o reitor Manuel Reigosa e o presidente de Ageinco, Daniel Prieto, asinaron un convenio marco de colaboración. 


Un concurso escolar para visibilizar o papel da muller na ciencia e na enxeñaría

Por cuarto curso consecutivo, a Facultade de Ciencias, a Escola de Enxeñaría Aeronáutica e do Espazo e a Escola Superior de Enxeñaría Informática do campus de Ourense convocan o Concurso Escolar de Debuxo e Redacción do Día Internacional da Muller e a Nena na Ciencia. O alumnado de Educación Primaria e de Educación Secundaria Obrigatoria de centros ourensáns pode presentar os seus traballos sobre a muller na ciencia e na enxeñaría ata o 24 de xaneiro de 2020.


Fuente: DUVI