ENTRAR ÁREA PRIVADA

NOTICIAS Y ACTUALIDAD

//: noticias / noticias

Noticias y actualidad relacionada con Citexvi y su entorno

Contra vento e marea, 290 estudantes da UVigo viven este curso unha experiencia Erasmus

Non semellaba o mellor ano para embarcarse na aventura de facer unha estadía no estranxeiro, pero finalmente non foron poucos os estudantes da Universidade de Vigo que solicitaron unha bolsa de intercambio nos programas que se manteñen en funcionamento. Actualmente son 209 mozos e mozas dos tres campus os que xa están na súa  universidade de acollida, e outros 81 marcharán no segundo cuadrimestre. En total, 290 fronte aos 679 do curso pasado.


Unha semana de actividades na rede para achegar o galego á mocidade

"Promover, normalizar, estender e fomentar o uso do galego entre a mocidade" constitúe, como sinalan deste Freshysweet, o obxectivo principal de Usa a Lingua, un ciclo de coloquios e actuacións que ao longo desta semana desenvolven a través da rede social Instagram.


A exposición 'Don Ricardo de Fingoi' amosa no campus a etapa lucense de Carbalho Calero

Desde este luns e ata o 9 de decembro, o Edificio de Ferro do campus de Ourense, onde están ubicadas as facultades de Historia e Educación e Traballo Social, acolle a mostra Don Ricardo de Fingoi (Carballo Calero en Lugo). A iniciativa do Colectivo Egeria permite ás persoas interesadas achegarse aos 15 anos que o homenaxeado este ano no Día das Letras Galegas estivo vivindo en Lugo e traballando como profesor e responsable do Colexio Fingoi, unha etapa que na mostra se destaca que foi "decisiva" na traxectoria do mestre e escritor.


Convócase o V Concurso de Creación Artística do Día Internacional da Muller e a Nena na Ciencia

Co gallo da celebración o día 11 de febreiro do Día Internacional da Muller e a Nena na Ciencia, a Facultade de Ciencias, a Escola de Enxeñaría Aeronáutica e do Espazo e a Escola Superior de Enxeñaría Informática unen cada ano as súas forzas para organizar diferentes iniciativas destinadas a potenciar a presenza da muller na I+D+i. No marco destas iniciativas, veñen de convocar o V Concurso de Creación Artística do Día Internacional da Muller e a Nena na Ciencia, destinado a alumnado de Primaria e ESO da provincia de Ourense. A data límite será o 20 de xaneiro de 2021.


A Universidade lidera tres dos cinco proxectos financiados en Galicia co Fondo Supera Covid 19 do Banco Santander

A Universidade de Vigo lidera tres dos cinco proxectos financiados en Galicia polo Fondo Supera Covid 19, promovido polo Banco Santander, a través de Santander Universidades,  en colaboración con Crue Universidades Españolas e o CSIC.

 


Escalando en tempos de pandemia

Cunha redución do seu número de prazas e coa adopción das medidas recollidas no protocolo da Federación Española de Deportes de Montaña e Escalada, a crise sanitaria non impediu que nestas semanas se desenvolva no campus unha nova edición do curso de iniciación á escalada en rocódromo.


O equipo de rugby suma unha derrota contra Pasek Belenos RC

Natación e rugby protagonizaron a actividade deportiva desta fin de semana dos equipos que representan ao campus de Ourense nestas modalidades. Por unha banda, o Campus Universitario Ourense Rugby Club sumou o sábado unha derrota na cuarta xornada da liga 2020/2021 da división de honra B do rugby estatal. Por outra banda, o Club Natación Escualos Campus da Auga arrancou a competición desta tempada cun bo sabor de boca competindo na primeira xornada da Liga Galega Máster.


Miguel Sebastián abordará nun encontro en liña as leccións económicas e incertezas da pandemia 

Ministro de Industria, Turismo y Comercio e director da Oficina Económica de Moncloa durante os gobernos de José Luis Rodríguez Zapatero, Miguel Sebastián protagonizará o vindeiro mércores unha nova sesión do ciclo Coloquios en tempos de pandemia, que promoven a Facultade de Ciencias Económicas e Empresariais da Universidade de Vigo a Fundación Mentor.


A Universidade outorga os II Premios Consello Social UVigo-Humana á asociación Provivienda e ao Fondo Galego de Cooperación e Solidariedade

A asociación Provivienda e o Fondo Galego de Cooperación e Solidariedade son as entidades gañadoras dos II Premios Consello Social UVigo-Humana. A entrega de premios será o vindeiro 18 de decembro na sala 1 do edificio Miralles nun acto semipresencial.


O detido e o cotián reúnen na Sala X dez artistas formados na facultade 

"Esas cousas que están paradas, eses espazos marxinais, que non son tan visibles ou aos que non damos importancia, esas cousas cotiás que, aparentemente, sempre son iguais...". Estas ideas do detido, do invisible e do cotián serven como nexo de unión entre as obras de dez creadores e creadoras formados na Facultade de Belas Artes que reúne a exposición Arredor do parado.


Fuente: DUVI